ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

ពិធីរត់ភ្លើងគប់កីឡាស៊ីហ្គេមនៅកម្ពុជានឹងមានពិធីសុំភ្លើងពីអាទិទេពនៅប្រាសាទអង្គរវត្ត

  • ចុះផ្សាយថ្ងៃទី០៧ ខែឧសភា ឆ្នាំ២០២២ ម៉ោង ១៦:៥៤ នាទី ដោយ Chanoutdam
  • 2891
  Aa |   aA

ភ្នំពេញ៖ អគ្គលេខាធិការគណៈកម្មាធិការជាតិអូឡាំពិកកម្ពុជា លោក វ៉ាត់ ចំរើន បានឱ្យដឹងថា ពិធីរត់ភ្លើងគប់ក្នុងព្រឹត្តិការណ៍ ស៊ីហ្គេម ឆ្នាំ២០២៣ នៅកម្ពុជានឹងមានការចាប់អារម្មណ៍ខ្លាំងពីប្រជាពលរដ្ឋព្រោះមានការរៀបចំពិសេសៗជាច្រើន ក្នុងនោះក៏មានពិធីសុំភ្លើងពីព្រះនៅប្រាសាទអង្គរវត្តផងដែរ។

ថ្លែងនៅក្នុងសន្និសីទសារព័ត៌មាន ស្តីពីដំណើរឆ្ពោះទៅព្រឹត្តិការណ៍ SEA-Games & ASEANPARA-Games ឆ្នាំ២០២៣ នៅព្រឹកថ្ងៃសៅរ៍ ទី០៧ ខែឧសភា ឆ្នាំ២០២២ លោក វ៉ាត់ ចំរើន បានឱ្យដឹងថា ពេលនេះក្រុមការងារបានរៀបចំ និងត្រៀមខ្លួនរួចរាល់ហើយសម្រាប់ស៊ីហ្គេមឆ្នាំក្រោយនៅសល់តែការអនុវត្តនៅឡើយ។ លោកបញ្ជាក់ថា «ឆ្នាំនេះគឺជាឆ្នាំនៃការអនុវត្ត»។

លោកមានប្រសាសន៍ថា៖ «ពីពេលនេះទៅដល់ស៊ីហ្គេម ២០២៣ យើងមានការរៀបចំរាប់ថយក្រោយ ១០០ថ្ងៃ នៅឆ្នាំ២០២៣ ខែ១ ឬ ខែ២ យើងនឹងរៀបចំពិធីរត់ភ្លើងគប់ដែលពិធីនេះយើងធ្វើនៅសៀមរាបដែលគេហៅពិធីសុំភ្លើងអាទិទេពកីឡា ដែលនេះយកលំនាំតាមអូឡាំពិកនៅក្រិច ដែលគេយកចំណាំងផ្លាតពីព្រះអាទិត្យមកធ្វើជាភ្លើងគប់អាទិទេពកីឡារអូឡាំពិក ចឹងយើងទៅធ្វើនៅអង្គរវត្ត ក្រោមព្រះរាជបតីភាពព្រះមហាកក្សត្រ»។

លោកបន្តថា ភ្លើងគប់នេះនឹងរត់ទៅតាមបណ្តាប្រទេសដែលជាសមាជិក ដែលចេញពីសៀមរាបទៅហ្វីលីពីន ហើយចេញទៅប្រទេសផ្សេងៗទៀត បានចូលមកប្រទេសឡាវ ហើយឡាវឱ្យរត់ចូលតាមទល់ដែនកម្ពុជាមកវិញ រួចរត់នៅជុំវិញបឹងទន្លេសាប ដោយរត់តាមផ្លូវជាតិលេខ៥ មក រួចមកផ្លូវជាតិលេខ៦ ចូលមកពហុកីឡាដ្ឋានជាតិ មរតកតេជោ ឱ្យចំថ្ងៃទី៥ ម៉ោង៧ ហើយម៉ោងប្រហែល៨ ទៅ៩ ត្រូវចូលមកពហុកីឡាដ្ឋានមរតកតេជោ ចូលមកអុជបើកពិធីតែម្តង។

លោកបញ្ជាក់ថា នេះគឺជាពិធីធំមួយដែលមិនមែនធ្វើតែនៅក្នុងប្រទេសនោះទេ គឺមានដល់ក្រៅប្រទេស ហើយរត់ចូលមកប្រទេសយើងទៀត ដែលពិធីនេះហើយនឹងធ្វើឱ្យប្រជាពលរដ្ឋចាប់អារម្មណ៍ខ្លាំងលើការងារនេះ។

កម្ពុជានឹងរៀបចំព្រឹត្តិការណ៍ប្រកួតកីឡាស៊ីហ្គេមដែលនឹងប្រព្រឹត្តិទៅនៅថ្ងៃទី៥ ខែឧសភា ឆ្នាំ២០២៣ ដែលនឹងមានប្រតិភូប្រមាណ ១ម៉ឺននាក់មកចូលរួមក្នុងព្រឹត្តិការណ៍នេះ៕


ព័ត៌មានជាច្រើនទៀតសម្រាប់អ្នក